064 680 0809 |
Wie is ons
Leer ons personeel wat met jou kind werk, beter ken
Eienaar en Praktykbestuurder
Lize-Marie Kruger
Kinderkinetikus
Lize-Marie is ses-en-twintigjarige vrou met ‘n passie vir aktief wees. Sy het ‘n groot liefde vir kinders wat waarskynlik spruit vanuit haar groot familie.
Sy geniet dit om saam met kinders te speel, beweeg en leer, en ook om hul “moeilike” vragies te vra soos “hoe lank ken jy al vir mamma?”
Haar gemaklikheid met kinders, haar passie en liefde vir beweging stel haar in staat om haar roeping voluit na te streef.
Lize-Marie het haar graad in Sportsielkunde verwerf in 2018 en haar honneursgraad in Menslike Bewegingskunde met Kinderkinetika in 2020. Hierdie studies het haar toegerus met kennis oor kinderontwikkeling, evaluering van kinders, grootmotoriese boublokke, breinontwikkeling, sportvaardighede en vele meer.
Kwalifikasies:
BA Honneurs Kinderkinetika (NWU 2020)
BA Sportsielkunde (UP 2018)
Finansies
Innecke Dednam
Mamma van 3
Irma van Reenen
Kinderkinetikus
Irma is ‘n jong vrou met ‘n groot liefde vir kinders en geniet dit om aan die beweeg te bly. Irma geniet dit om buite aktiwiteite te doen soos fietsry, draf en swem. Sy spandeer graag haar tyd saam met kinders en glo dat die wêreld ‘n beter plek kan wees deur een kinder-glimlag op ‘n slag.
​
Irma het haar graad in Menslike Bewegingskunde en Voeding in 2013 verwerf en daarna haar honneursgraad in Kinderkinetika in 2014 voltooi. Sy het ook haar meestergraad in Kinderkinetika in 2019 voltooi.
Kwalifikasies:
MA Kinderkinetika (NWU 2019)
BA Honneurs Kinderkinetika (NWU 2014)
BA MBW en Voeding (NWU 2013)
Kwalifikasies:
Bcom Rek (NWU 2009)
Belastingspraktisyn
Stigter en vorige eienaar
Karyna le Roux
Kinderkinetikus en mamma van 5
Met 'n liefde vir kinders en ‘n passie vir beweging en ‘n liefde vir die lewe begin Karyna haar eie Kinderkinetika praktyk in 2011. Karyna is 'n gekwalifiseerde en ervare Kinderkinetikus wat elke dag haar roeping uitleef. Haar liefde vir oefen, beweeg en mense stel haar in staat om haar werk voluit te doen en haar beroep met oorgawe te beoefen. Sy voltooi ook talle kursusse waaronder spelterapie, musiekterapie, gimnastiek- en ander sportafrigting, SNAP Outisme kursus, Colourstrings Associate music teacher opleiding, Primitive Reflexes asook noodhulp en leierskapkursusse. Karyna is ook ‘n gekwalifiseerde NBI Breinprofiel praktisyn.