Kruip al kan jy loop

Het jy geweet dat kruip-aktiwiteite fantasties is vir die ontwikkeling van groot-motoriese vaardighede van kinders van enige ouderdom? Kruip ontwikkel spiere in die arms, bene, skouers, maag, hande en voete, sowel as algehele koördinasie.

Kruip is nie net vir babas nie

Moedig jou ouer kind ook aan om te kruip. Kruip ontwikkel die skouergordel en ook maagspiere. Dit oefen midlynkruisings en koördinasie. Kruip bietjie saam met jou kind vir 'n lekker oefensessie.

Hoe kan ons kruip so bietjie anders doen?

• Kruip bo-oor goed

• Kruip onder-deur

• Kruip terwyl jy die bal met jou kop stoot

• Kruip agteruit

• Kruip op jou letters, syfers en somme

• Kruip in die huis rond van een punt na die volgende

#kruip

#ontwikkeling